Одредзене максималне число занятих у Општинскей управи

автор влдї
1.4k Опатрене

ШИД – На вчерайшей схадзки Општинска рада (ОР) принєсла вецей значни одлуки медзи хторима и Одлука о максималним чишлє занятих у Општинскей управи, а то 95 заняти особи.

Општинска рада тиж прилапела програми дїлованя ЯП за квартельни услуги и будовательну жем, Народней библиотеки „Симеон Пищевич”, Установи за физичну културу и спортску рекреацию „Партизан”, Туристичней орґанизациї и Културно–образовного центру за 2016. рок.

Жалби на ришеня Локалней порцийней администрациї, хтори поднєсло ЯП „Води Войводини” нє прилапени, а за Ґимназию „Сава Шуманович” будзе опредзелєне 200 тисячи динари за нове ошвиценє у физкултурней сали.

Општинска рада тиж прилапела и информацию ликвидацийного управнїка у случаю ликвидованя дакедишнього ЯП „Спортски центер” хтори ище нє окончени пре судски поступок хтори порушали пецеро заняти пре нєвиплацени ювилейни награди.

ПОВЯЗАНИ ТЕКСТИ