МИКЛОШЕВЦИ – На грекокатолїцким теметове у Миклошевцох вчера, на швето Шицких святих, як и даскельо днї пред шветом, числени гражданє запалєли швички и положели квеце на гроби своїх покойних.
З тей нагоди вчера пополадню, при централним крижу на теметове, Парастос за шицких покойних служел парох миклошевски и викар славонско-сримски о. Яким Симунович.
Попри Миклошевчанох, на Парастосу присуствовали и вирни з Вуковару, Петровцох и других местох.
