РУСКИ КЕРЕСТУР – У Штреднєй школи Петро Кузмяк 9. фебруара означени Медзинародни дзень безпечносци на интернету хтори ту наволали Меркуй на свой клик.
Промоция поробена онлайн, и ма спозорйовац школярох штреднєй школи же би водзели рахунку док хасную интернет, и на хтори виволаня мож у тим наисц. Школяре на тоту тему поробели анкету у хторей одвитовали на велї питаня о безпечносци на интернету.
По словох о. д. директорки Наталиї Будински, по анкети мож замерковац же велька векшина школярох свидома тей нєбезпеки, алє надпоминац вше потребне. То бул лєм єден з крочайох хтори керестурска школа планує витвориц у борби процив шицких файтох насилства, а пре звекшованє толеранциї и свидомосц дзецох о прилаплївим справованю.