РУСКИ КЕРЕСТУР – Дзень блаженей ш. Йосафати Гордашевскей – сновательки шестрох служебнїцох, вчера шветочно означени у Провинцийним доме и манастире шестрох у Руским Керестуре.
Шестри тот дзень означели вєдно з вирнима, котри у вельким чишлє пришли на Молебен до ш. Йосафати (по руски), хтори у манастирскей каплїци на 16 годзин служели троме священїки – кулянски парох о. Виталий Лотоцки, керестурски парох о. Михайло Малацко и капелан о. Владимир Медєши.
По Служби вирни могли поциловац мощи блаженей шестри, а цали дзень пред тим, могли ше и помодлїц пред мощами виложенима у каплїци. По Молебену шестри за шицких присутних пририхтали и скромне почасценє.
По Вечаршей Служби у Катедралней церкви, шестри и вирни закончели и Дзевятнїцу до своєй сновательки, блаженей Йосафати.