НАЦИОНАЛНИ СОВИТ – Националне швето Руснацох у Сербиї, 17. януар, нєшка, 15. януара, будзе означене у подручних канцеларийох (ПК) Националного совиту (НС) Руснацох – у Суботици на 12 годзин, у Шидзе на 17 г., у Коцуре (у сали Месней заєднїци) на 18, а на 19 годзин у Новим Садзе. У векшини местох просториї културно-уметнїцких дружтвох и шедзиска подручних канцеларийох НС.
На ютре, 16. януара, националне швето будзе означене у Подручней канцелариї у Вербаше (у просторийох КПД „Карпати”, по законченю турниру у столним тенису, хтори почина на 10 годзин).
На сам дзень швета, на нєдзелю, 17. януара, швето будзе означене у Дюрдьове на 12 годзин, у Ґосподїнцох (у просторийох Месней заєднїци) на 15 г., у Новим Орахове на 18 г. (нє на 17, як було першобутно), а подручни канцелариї з Бикичу и Сримскей Митровици нашо швето на нєдзелю означа заєднїцки – на 17 г. у Бикичу.
У Руским Керестуре означованє националного швета Руснацох будзе на пондзелок, 18. януара у просторийох Дому култури на 13 годзин.