КУЛА – Општина Кула початком того тижня розписала конкурс за проєкти и програми з обласци защити и унапредзеня животного штредку, на хтори можу конкуровац здруженя гражданох з тей обласци хтори реґистровани у општини Кула, лєбо у кулскей општини маю оддзелєнє и дїлую як општински, медзиопштински, лєбо републични нєвладово орґанизациї.
За програми-проєкти Општина Кула з буджетского Фонду за защиту и унапредзенє животного штредку у тим року опредзелєла 500 000 динари, хтори буду розподзелєни на основи конкурованя на спомнути конкурс.
Конкурс у цалосци, як и формулар за прияву, мож найсц на веб-сайту Општини Кула www.kula.rs