РУСКИ КЕРЕСТУР – У Доме култури Руски Керестур всоботу, 11. децембра, отримани роботнї за дзеци зоз фолклорних ґрупох.
Вєдно зоз їх руководительку Андрею Штефанко, дзеци у вецей ґрупох правели декорацию за Крачунско-гуманитарни концерт „Нашим дзецом”, хтори будзе отримани на соботу, 18. децембра, а тиж так украшовали и медовнїки, хтори подарую до пакецикох.
На соботу годно купиц и їх рисунки на гуманитарней вистави хтора почнє на 14 годзин у дакедишнїм „Клубу 10”, дзе будзе и друженє, а концерт почнє на 18 годзин у Велькей сали Дома култури.
Уход 100 динари, за дзеци шлєбодни, а годно дац и добродзечни прилог. Зоз назбераного пенєжу буду направени пакецики дзецом з Керестура хтори у потреби.
Орґанизаторе Крачунско-гуманитарного концерту Дом култури РК, орґанизаторе акциї „Нашим дзецом” и Здруженє „Пакт Рутенорум”.
