О унапредзованю положеня Чарногорцох у Сербиї

автор сен
688 Опатрене

НОВИ САД – Пондзелок, 6. априла, делеґация першого зволаня Националного совиту (НС) чарногорскей националней меншини у Сербиї мала роботну схадзку з Покраїнским секретаром за културу и явне информованє Славишом Ґруїчом, на хторей бешедоване о положеню чарногорскей националней меншини у Сербиї и його унапредзованю.

НС чарногорскей националней меншини перши раз конституовани 2014. року, та того року чарногорски здруженя перши раз и конкуровали до Секретарияту за доставанє средствох за проєкти.

По словох членох делеґациї НС Чарногорцох, у Сербиї ше як Чарногорци вияшнєли 38 500 гражданє, а з того числа у Войводини аж 27 000, так же шедзиско Совиту праве у Войводини, у Вербаше.

Дотераз одредзене швето чарногорскей националней меншини у Сербиї, хторе будзе символично 21. мая – на Дзень нєзависносци Републики Чарней Гори. Чарногорски язик до службеного хаснованя за тераз уведзени лєм у Малим Идьошу, а по углядзе на други национални совити, и чарногорски будзе робиц на витворйованю своїх правох, промоциї култури, язика, писма и обичайох, визначели представителє НС Чарногорцох на схадзки зоз Славишом Ґруїчом.

Покраїнски секретар Славиша Ґруїч гварел же снованє НС чарногорскей националней меншини значне прето же то способ за очуванє култури, обичайох, язика и писма того народу у Сербиї, на основи правох хтори им ґарантує Устав Републики Сербиї.

ПОВЯЗАНИ ТЕКСТИ