НОВИ САД – Покраїнски секретарият за польопривреду, водопривреду и лєсарство того року софинансує роботи на уводзеню каналскей мрежи за одводньованє польопривредней жеми у 40 войводянских општинох, медзи хторима и Кула, Вербас и Шид.
За тоту намену зоз Секретарияту видвоєни 590 милиони динари, а ресорни секретар Бранислав Боґарошки представительом општинох вчера уручел контракти о безповратних средствох. З тей нагоди Боґарошки гварел же обчекує же ше того року направи вецей як 2 500 километери каналскей мрежи.
– Того року зме ше зоз 16 локалнима самоуправами порадзели же буду софинансовац роботи зоз вецей як 40 одсто и на тот способ зме обезпечели коло 30 милиони динари за финансованє одводньованя – гварел Боґарошки.