ПЕТРОВЦИ (ГОРВАТСКА) – У грекокатолїцкей парохиї Покрова Пресвятей Богородици у Петровцох, внєдзелю, 10. мая, шесцеро школяре першираз приступели до св. Тайни Причасци.
Три дзивчата и троме хлапци ше за тоту вельку подїю у їх християнским живоце пририхтовали на рижни способи од початку Велького посту, у чим им найвецей помагал парох о. Владимир Седлачек.
Дзень пред першу Причасцу, першопричашнїки першираз ступели и до св. тайни Споведзи, а вєдно з нїма и їх фамелиї и кумово.