КОЦУР – У рамикох 30. Спортских бавискох „Яша Баков” у Коцуре, всоботу 3. юлия, отримани турнир у фодбалу за пионирох, на котрих участвовали лєм 3 екипи.
На турниру, окрем домашнього ФК „Искра” зоз Коцура, участвовали ище ФК „Бачка 1923” зоз Дюрдьова и РКЦ зоз Нового Саду.
Млади фодбалере указали же напарти тренинґи даваю резултати и присутни наисце могли партиц добри фодбалски поцаги.
Перше место освоєли млади фодбалере ФК „Бачка 1923” зоз Дюрдьова, котри зазначели 3 побиди и 1 пораженє, друга була екипа РКЦ котра мала исте число бодох як и ФК „Искра”, алє є лєпша у медзисобним змаганю. Обидва екипи зазначели по єдну побиду, єдно нєришене змаганє и два пораженя.
После змагательней часци, на Пелетовим салашу у Коцуре, бул орґанизовани полудзенок, а предсидатель СБ „Яша Баков” Иван Папуґа учашнїком подзелєл припознаня за освоєни успих.
Шлїдуюци турнир будзе турнир у одбойки на писку котри на програми 25. юлия, а будзе отримани на Паличу.
