Покраїна порихтана за вибудов Жежельового мосту

автор сен
842 Опатрене

НОВИ САД – Проблем з вибудову Жежельового мосту уж длугши час тема покраїнскей и републичней власци, алє ше дотераз Покраїнска влада, Министерство будовательства и Желєзнїци Сербиї нє порадзели о моделу його ришованя.

Покраїнска влада прилапела два модели ришеня и послала их до Министерства и Желєзнїцох, медзитим, як гварел подпредсидатель Покраїнскей влади и член роботней ґрупи за вибудов мосту Бранислав Боґарошки, дотерз нє достали нїяки одвит, та нє мож предлужиц роботи.

– На пондзелок маме схадзку зоз членми Европскей униї, Министерством будовательства и Желєзнїцами Сербиї, та ше наздавам же на тей схадзки достанєме ришенє, методолоґию и упутство як и кому преруциц пенєж за предлуженє роботох на вибудови Жежельового мосту, гварел Боґарошки з нагоди обиходзеня будовалїща на мосце.

Як гварел, Покраїна до того проєкту дотераз уложела 587 милиони динари, порихтана є финансовац го покля нє будзе закончени, и додал же административни проблеми нє можу буц причина же мост нє будзе закончени.

 

ПОВЯЗАНИ ТЕКСТИ