Покраїнска влада финансує Жежельов мост

автор сен
1k Опатрене

НОВИ САД – Финансованє предлуженя вибудови Жежельового мосту у Новим Садзе будзе окончене з преношеньом средствох з Покраїни, а прейґ буджету Городу Нови Сад, сообщела Покраїнска влада.

На тот способ будзе ришени проблем пре хтори вецей раз пребивани термин законченя вибудови мосту. Виводзач роботох, шпанско-италиянски конзорциюм „Азви-Тадеи-Хорта Кослада”, оценєл же за вибудов мосту потребни вецей як 45,3 милиони еври, кельо на початку було порадзене. Понеже финансиєре нє мали пенєжи, а познєйше нє було законски можлївосци преруцованя дополнююцих средствох, проєкт вибудови Жежельового мосту претаргнути. Тераз порадзене же нови термин за законченє мосту то штредок 2016. року.

– Покраїнска влада апелує на Министерство будовательства най цо скорей пошлє нови нарис контракту о способе преношеня средствох на Город Нови Сад за дальше финансованє проєкту вибудови Жежельового мосту, же би ше предлужело роботи и Нови Сад достал нови мост – пише у сообщеню з Покраїнскей влади.

 

ПОВЯЗАНИ ТЕКСТИ