ШИД – Покраїнска секретарка за спорт и младеж Мариника Тепич вчера була у роботней нащиви општини Шид, дзе перше нащивела Спортски центер, дзе за оправянє закрица на спортскей гали спомнути секретарият опредзелєл 3,5 милиони динари.
Тепичова нащивела и Тениски клуб „СОЛ 022”, хторому Секретарият опредзелєл три милиони динари, як и Столнотениски клуб „Партизан”, хтори од Секретарияту достал 600 000 динари за адаптованє простору у голу Спортскей гали за порядни активносци.
У сали Скупштини општини Шид представительом спортских клубох и здруженьох з општини покраїнска секетарка бешедовала о активносцох Ссекретарияту, як и о конкурсох на хторих можу достац значни средства за свою роботу.
