БЕОҐРАД – Нєзависна асоцияция польопривреднїкох Сербиї вчера наявела же будзе орґанизовац протести пре нєзадовольство з одкупну цену жита, преноши Бета.
Як пише у сообщеню, польопривреднїки вимагаю же би ше жито одкупйовало по тарґовищней цени хтора, як гваря, 18 динари за килограм.
Парасти надпоминаю же монополске справованє вельких одкупйовачох спущело цену жита спод тарґовищней, як и же нє зродзело тельо жита як ше гутори у явносци, понеже у даєдних часцох Сербиї барз мали урожаї, коло три тони по гектару.
Цена жита на Продуктней берзи у Новим Садзе прешлого тижня була од 16,72 до 16, 17 динари за кґ, з ПДВ.