НОВИ САД – Пре доприношенє розвою и унапредзеню спорту у локалних самоуправох, Управа за капитални укладаня Автономней покраїни Войводини (АПВ) розписала конкурс за финансованє и софинансованє проєктох з обласци спорту. Пенєж обезпечени за два намени – за проєкти вибудови, реконструкциї, адаптациї и санациї спортских обєктох, та за опреманє спортских обєктох.
За першу обласц опредзелєни 210 милиони динари, а за опреманє спортских обєктох 40 милиони динари. На конкурс ше можу приявиц єдинки локалних самоуправох на териториї АПВ, и то з єдним проєктом.
О конкурсу ше детальнєйше мож поинформовац на сайту www.vojvodina.gov.rs .