КОЦУР – У коцурским хотаре прешлого тижня почала тлачидба ярцу, остатнї два-три днї є претаргнута пре нєвогодну хвилю, а предлужєнє роботу у полним розмаху ше обчекує за викенд. За тераз, як гваря парасти, ярец того року добре родзел.
Статкови ярец у Коцуре пред двома днями почала одкупйовац роботна єдинка подприємства „Либела продукт”, хтора ма законтрачени коло 70 гектари ярцу. „Либела”, як авансну цену, понукла 16 динари за килограм.
Польопривредна задруґа „Класка” у Коцуре одкупює пивски ярец и ма законтрачено коло 120 гектари ярцу, а ище нє обявдела одкупну цену.