Почали годзини руского за штредньошколцох

автор опс
999 Опатрене

НОВИ САД – У новосадскей Штреднєй технїчней школи „Милева Марич Айнштайн” всоботу, 19. септембра почали годзини руского язика, хтори штредньошколцом виклада Ванеса Медєши, абсолвентка руского язика. На першей годзини присуствовали штверо школяре, а обчекує ше же их будзе вецей, бо у штреднїх новосадских школох єст надосц наших школярох.

OLYMPUS DIGITAL CAMERA

Як гварела Медєшова, на годзинох ше будзе учиц язик и литература, а почню з Гавриїлом Костельником и його Идилским венцом.

Годзини буду соботами од 9 годзин, а будзе утвердзени ище єден термин – през тидзень – за школярох хторим соботови термин нє одвитує.

Ванеса Медєши поволує шицких заинтересованих штредньошколцох же би ше приявели на годзини руского язика, на число телефону 060/38-57-771.

Присутних и наставнїцу на тей першей годзини привитала и Ирина Папуґа спред Дружтва за руски язик, литературу и културу, хторе ше и найвецей заклада за орґанизованє руского язика за штредньошколцох у Новим Садзе.

ПОВЯЗАНИ ТЕКСТИ