ШИД – З театралну представу „Буба у уху”, у режиї Любишу Ристича, и концертом ґрупи „Бети бум” з Нового Саду, всоботу, 23. юлия почало „Шидске културне лєто”, хторе тирва по 19. авґуст.
На програми змисти за шицки возрости – од наступох нєафирмованих ґрупох по концерти познатих фолк-шпивачох, а 29. юлия концерт отрима поп-шпивач зоз Шиду Боян Миланович, з госцами Войканом Борисавлєвичом и ансамблом „Бинички” з Беоґраду.
За 8. авґуст плановани традицийни „Етно дзень”, кеди ше на штандох з традицийнима єдлами и ручнима роботами представя и национални менишини, медзи нїма и Руснаци, а тиж отримаю и концерт.
З програми треба визначиц и традицийну „Фиякерияду”, хтора будзе 13. авґуста, а 17. авґуста наступя „Шидски трубаче” и оркестер трубачох Даниєла Йокановича зоз Шиду.
Манифестация будзе закончена 19. авґуста на Преображеня Господнє по юлиянским календаре, кеди у нашей грекокатолїцкей церкви у Шидзе Кирбай, а на Шидским културним лєту” концерт отрима Маринко Роквич.
Од 19. по 22. юлий у Шидзе отримане и Дзецинске културне лєто”.