РУСКИ КЕРЕСТУР – Прешлей соботи, 8. януара, у парохиї св. оца Миколая почало, а нєшка ше предлужує традицийне пошвецанє обисцох зоз богоявлєнску воду, а будзе тирвац по 21. януар.
Од нєшка по 14. януар пошвецанє будзе на улїцох у часци валала ґу Крущичу, а од пиятоку преходзи ше на други бок валала и того дня буду пошвецени обисца на главним Вельким шоре (М. Тита), а вец од пондзелку далєй кажда улїца спрам Косанчичу.
Пошвецац ше почнє рано од 9 годзин, а тот обряд буду окончовац штирме священїки, з домашнїма о. Владиславом Варґом, о. Владимиром Медєшом, о. Михайлом Шантом и о. Данил Задрепко.
Подробни розпорядок пошвеня мож найсц на огласней табли у церковней порти як и
на ФБ боку Katedrala sv Nikolaja.
Як наглашел парох о. Варґа, пошвецац буду лєм доми парохиянох хтори то жадаю, и пре обставини нє буду ше длуго затримовац.