По руски на РТВ Войводини през новорочни швета

автор ртв/зам
945 Опатрене

НОВИ САД – У новорочней ноци, нєшка, 31. децембра, на Другей програми РТВ Войводини на 22,35 годзин будзе емитовани блок руских народних шпиванкох, a реприза того блоку будзе на ютре, 1. януара, у емисиї „Добри вечар, Войводино”.

У новорочней емисиї по руски „Добри вечар, Войводино” на ютре, 1. януара, у першей часци будзе емитована телевизийна адаптация представи „Береме ше, так нам и треба”, хтору Руски народни театер „Петро Ризнич Дядя” витворел з коцурским КУД „Жатва”.

На нєдзелю, 4. януара, у ТВ Маґазинє пририхтане огляднуце на польопривреду у 2014. року, як и звит з Музичного вечару „Тал” у Дюрдьове, хтори бул пошвецени музичней творчосци Михала Лїкара. Тиж так, у Маґазинє будзе емитована и документарна емисия о крачунских обичайох.

Як кажди штварток, „Добри вечар, Войводино” будзе на Другей програми РТВ Войводини на 20 г., а ТВ Маґазин на нєдзелю у своїм порядним терминє на 20 годзин.

Фамелийни маґазин „Широки план” нє будзе емитовани того тижня, як то узвичаєне першу нєдзелю у мешацу, алє 18. януара, як одложени знїмок зоз Шветочней академиї з нагоди означованя Националного швета Руснацох, 17. януара у Вербаше.

ПОВЯЗАНИ ТЕКСТИ