ВАШИНҐТОН – Прешли рок бул найцеплєйши од кеди ше мера температуру – од конца 19. вику, сообщела Американска аґенция за океан и атмосферу, а преноша медиї.
Так штредня температура жеми и моря цали 2015. рок була 0,9 ступнї целзиуюса над просеком за 20. вик, з чим прешли рекорд з 2014. року преруцени за 0.16 ступнї C.
Мераня утвердзели же децембер 2015. бул найцеплєйши мешац за остатнї 136 роки.
Рост температури реґистровани вшадзи у швеце – у Централней Америки, у сиверней половки Южней Америки, на сиверу, югу и востоку европского континенту, як и на заходзе Азиї и у велїх часцох Сибиру.