ДЕВА (РУМУНИЯ) – У румунским месце Дева нєшка пополадню зашеда Шветова рада Руснацох/Русинох/Лемкох (ШР РРЛ), а єдна з темох схадзки и орґанизацийно-технїчни роботи за пририхтованє Тринастого шветового конґресу (ШК) РРЛ хтори, як и Шветови форум русинскей младежи, у юнию того року будзе праве у Деви.
Пред членми ШР, под предшедованьом Дюру Папуґу, и анализа активносцох Ради и конґресних комисийох у прешлим року, розпатранє актуалного стану и обставинох медзи Русинами на Подкарпатю у України, анализа витворйованяю проєктох ШК РРЛ и друге, а єдна з точкох будзе и вибор и менованє главного редактора часопису Конґресу „Глас Русина”.
У Деви нєшка дополадня перше будзе схадзка Комисиї за културу ШК РРЛ, на хторей ма буц принєшена Одлука о розписованю Конкурсу за додзельованє Награди ШР „Василь Турок Гетеш”, як и предкладанє терминох отримованя найзначнєйших РРЛ културних манифестацийох и фестивалох култури у тим року.
На предлог Комисиї, спомнути одлуки нєшка би мала потвердзиц и ШР РРЛ.