КОЦУР – На вчерайшей схадзки Управного одбору Културно-просвитного дружтва „ДОК”, хтора отримана у просторийох Дому култури у Коцуре, догварене же рочна Скупштина Дружтва будзе 14. фебруара, на св. Трифуна, односно св. Валентина, на Дзень залюбених.
Пред Скупштину у коцурскей библиотеки з нагоди Дня залюбених будзе литературни вечар, на хторим будзе представене и найновше число часопису „Ерато над Коцуром”, а потим у сали Дому култури будзе деґустация трох файтох вина, на чесц св. Трифуна.
Бешедоване и о цеку литературно-подобового конкурсу „ДОК” з еколоґийну тему „Чловек и його штредок през рочни часци”. На конкурс дотераз сцигли 14 роботи – литературни, подобово и фотоґрафиї, а мал би буц заварти за коло два тижнї.