СЕРБИЯ – Схадзка Министерства просвити и синдикатох хтори штрайкую, штварток, 9. априла нє отримана бо, як гваря з Униї просвитних роботнїкох Сербиї (УПРС), на схадзку их нїхто нє волал, а револтовани су пре вияви ресорного министра Вербича у медийох о зменшованю плацох.
Министер просвити Срдян Вербич за Радио телевизию Сербиї гаврел же просвитним роботнїком котри штрайкую плаци буду зменшани, алє же им пенєж будзе врацени кед надополня страцени годзини.
– Плаци ше будзе зменшовац за тельо кельо наставнїки нє робели. Даєдни робели, а даєдни нє, та сиґурно же плаци буду зменшани – гварел Вербич и наявел же поради зоз синдикатами буду предлужени по Велькей ноци.
Министер гварел же, без огляду на штрайк, закончуюци испит, односно матура, вшелїяк будзе отримана, прето же то єдине фер-ришенє у такей ситуациї.