РУСКИ КЕРЕСТУР – Основна и штредня школа зоз домом школярох „Петро Кузмяк” того року своїх школярох зоз напряму Туристично-готелиєрски технїчар пошлє на окончованє порядней професийней пракси до Солуну.
У двох тижньох, школяре, у провадзеню професорох, буду окончовац праксу у готелу у туристичней аґенциї у Солуну, а у орґанизациї центру за цаложивотне ученє „Иподоми” зоз Солуну.
Як гварела помоцнїца директора Лїляна Фина, хтора и координаторка проєктного тиму, така форма пракси часц проєкта „Ерасмус+” за котри школа конкуровала штредком фебруара.
После оконченей пракси школяре здобуду Европски сертификат хтори у велькей мири збогаци їх биоґрафию, гварела Фина и додала же професоре фахових предметох и странских язикох уж анґажовани на пририхтованю школярох за драгу, хтора би мала буц реализована у октобру того року.
Вкупна вредносц проєкту виноши 35 000 евра.