НОВИ САД – Покраїнски секретарият за образованє, предписаня, управу и национални меншини-заєднїци розписал конкурс за финансованє и суфинансованє активносцох, програмох и проєктох националних совитох националих меншинох у обласци основного и штреднього образованя на териториї Автономней покраїни Войводини за 2015. рок.
На конкурсу буду опредзелєни средства у вкупним виносу милион и 615 тисячи динари (950 тисячи за основне и 665 тисячи за штреднє образованє). Проєкти з хторима ше конкурує треба же би уплївовали на розвой и подзвигованє квалитета основного и штреднього образованя на язикох/бешеди националних меншинох-заєднїцох у АП Войводини.
На конкурс ше можу явиц лєм реґистровани национални совити националних меншинох зоз шедзиском на териториї АП Войводини.
Конкурує ше на окремних формуларох до 16. септембра. Вецей информациї о тим конкурсу мож видзиц на www.puma.vojvodina.gov.rs.