НАШО МЕСТА – Централна шветочносц означованя Националного швета Руснацох у Републики Сербиї того року будзе отримана у Новим Садзе на нєдзелю, 23. януара, а од ютра з пригоднима програмами и по подручних канцеларийох Националного совиту Руснацох, як и по других наших местох.
Означованє Националного швета почнє наютре на 17 годзин у Новим Орахове у Доме култури, а у Бикичу на 17 годзин будзе отворена читальня „Учитель Михайло Ковач”.
На нєдзелю, 16. януара, швето означа и Руснаци у Кули на 14 годзин, у просторийох обок РКУД „Др Гавриїл Костельник”.
На сам Национални дзень Руснацох, на пондзелок 17. януара, на 11 годзин будзе одкрита спомин-плоча пошвецена декрету о насельованю Руснацох на простор нєшкайшей Войводини, котри подписани 17. януара1751. року у Ґрашалковичовей палати у Зомборе.
Пригодни програми того дня буду отримани у векшини местох починаюци од Дюрдьова, дзе програма почнє на 12 годзин. У Ґосподїнцох програма будзе отримана у Месней заєднїци на 15 годзин, у Шидзе у КПД „Дюра Киш” на 18 годзин. У Сримскей Митровици Швето будзе означене на двох местох– на 18 годзин у Музею Сриму и ґалериї.
На стреду, 19. януара, Швето означа и Руснаци у Суботици у Подручней канцелариї на 18 годзин, а у исти час почнє и представа у Театру „Добрица Милутинович” у Сримскей Митровици.
У Руским Керестуре програма будзе отримана у Дому култури 21. януара з початком на 19 годзин, а у Коцуре у Руским доме на соботу, 22. януара, 18 годзин.
Централна програма будзе отримана на нєдзелю, 23. януара у Сербским народним театру (СНТ), а як и каждого року, шветочносц почнє зоз Архиєрейску благодарну Службу Божу у церкви Святих апостолох Петра и Павла на 17 годзин, а будзе отримана и вистава у фоаєю СНТ на 18 годзин по назву „Паметанє и тирванє”. Шветочна програма почнє на 20 годзин, з директним преношеньом на програмох Радия и Телевизиї Нови Сад.