ШИД – На Општинскей смотри музично-фолклорней и народней творчосци и традициї за старших, хтора всоботу, 21. мая отримана у Културно-образовним центре Шид, участвовали и аматере з КПД „Дюра Киш” зоз Шиду – Младша и Старша шпивацка ґрупа, алє ше нє пласовали на висше змагане.
На Зонску смотру фолклорней творчосци пласовали ше Сербске КУД „Святи Сава” зоз Шиду и КУД „Бранко Радичевич” з Ердевику, а на Зонску смотру народней творчосци и традициї пласовали ше словацке КУД „Єднота” и горватске КУД „Шид”.
Зонска смотра фолклорней творчосци будзе 19. юния у Старей Пазови, а народней творчосци и традициї у Печинцох, тиж 19. юния.