НОВИ САД – Покраїнска Влада вчера отворела нови сайт прейґ хторого оможлївени явни увид податкох о розполаганю з пенєжом з буджету Войводини од 2004. року по нєшка, а сайт доступни на адреси www.budzet.vojvodina.gov.rs
На сайту од вчера мож найсц шицки податки о сполньованю буджету каждого покраїнского орґану, о чишлє занятих, биоґрафиї руководительох, финансийни и плани явних набавкох, як и податки о обовязкох и поглєдованьох Покраїни.
Доступни и податки о маєтку и о шицких судских поступкох дзе Войводина странка у спору.
З дзепоєднима покраїнскима секретарами нови сайт у Покраїнскей влади вчера представел єй предсидатель Боян Пайтич, котри з тей нагоди гварел же ше на тот способ запровадзує принцип абсолутней транспарентносци окончованя власци, а поволал и премиєра Сербиї и Републичну владу же би шлїдзєли тот приклад.