ҐОСПОДЇНЦИ – Пред шветом Собору Архангела Михаила по юлиянским календаре, вчера предвечаром у нашей церкви у Ґосподїнцох Саночне служели о. Милан Стипич зоз Жумберку – парохиї Крижевского владичества у Горватскей и священїки з нашого Апостолского еґзархату – коцурски парох о. Владислав Рац, коцурски духовни помоцнїк о. др Яков Кулич и парох у Бикичу о. Дарко Рац.
Службу шпивали члени Хору „Розанов” и фамелиї Холошняй з Дюрдьова, медзи нїма и бачки декан, дюрдьовски парох протеєрей ставрофор о. Яким Холошняй, о. др Борис Холошняй з Бечу и управитель ґосподїнскей парохиї о. Михаил Холошняй.
Домашнї парох по служби привитал госцох, медзи котрима бул и дириґент Винфирд Бентеле з Лудвиґзбурґу у Нємецкей, котри бул домашнї Хору „Розанов” на госцованю у тим месце, як и представителє ґосподїнскей православней церкви.
