НОВИ САД – Студентка Департману музичней уметносци Олеся Рамач з Руского Керестура на ютре на 20 годзин будзе мац солистични концерт на гушлї у Мултимедиялним центре Академиї уметносцох у Новим Садзе.
На клавиру ю будзе провадзиц Марина Микич, госц концерту будзе клавирски трио, а на репертоаре композициї Моцарта, Баха, Чайковского и Радича.
Олеся студентка першого року на новосадскей Академиї уметносцох, на Департману музичней уметносци, напрям гушля, у класи проф. Михала Будинския, а тот концерт источашнє и єй пририхтованє за Медзинародне змаганє на смикових инструментох у Нишу, на хторим будзе участвовац 27. априла.