РУСКИ КЕРЕСТУР – Прешлей соботи у просторийох керестурского Каритaсу отримане мешачне стретнуце за младих „Слово живота”, тераз з тему з Нового Завиту „Лєм єдно потребне”.
Толкованє того „Слова живота” пречитала Кристина Афич, а госц вечара бул дакедишнї предсидатель Младежскей орґанизациї „Пакт Рутенорум” Владимир Чизмар, котри присутним винєсол свойо искуство у вири.
У музичней часци наступел Дориян Чизмар, член ґрупи „Крейзи казнс”, котри одграл даскельо популарни нумери з духовну тематику, а модератор вечара бул Янко Катона.