ШИД – У Руским доме отримана схадзка Одбору за културно-просвитну дїялносц Културно-просвитного дружтва „Дюра Киш”, на хторей заключене же спомнути одбор, як помоцне цело Дружтва, у тим року вецей уваги пошвеци виучованю руского язика у шидскей општини.
Порадзене же за шлїдуюцу схадзку будзе порихтани список руских дзецох з дзецинскей заградки и школох и направени план роботи за анимованє дзеци и їх родичох.
Одбор розпатрал и други питаня значни за Руснацох у тей часци Сриму, алє у дискусиї заключене же увагу треба дац на виучованє руского язика и способи витворйованя того опредзелєня.
