ВОЙВОДИНА – Жатва жита у полним розмаху и кед будзе вигодна хвиля, обчекує ше же будзе закончена за 10 днї. Гоч урожай дакус менши як влонї, парасти з нїм задовольни, алє нє и з актуалну цену од 15,50 до 16 динари за килограм. Прето фаховци совитую лаґерованє и чеканє лєпшей цени.
Урожай жита у Сербиї би того року могол буц вєдно 2,5 милиони тони, пише РТВ, а у Войводини урожай хлєбового зарна барз добри и виноши коло 6,5 тони по гектаре, гварел покраїнски секретар за польопривреду Вук Радоєвич
Директор Продуктней берзи Жарко Ґалетин гварел же одкупна цена жита нїзка пре вельки залихи жита.