БЕОҐРАД – У грекокатолїцкей парохиї св. Кирила и Методия у Беоґрадзе на ютре Кирбай, хтори будзе преславени зоз Службу Божу на 11,30 годзин.
Службу у грекокатолїцкей каплїци у Вишеґрадскей улїци (ч. 23) будзе служиц беоґрадски парох о. Владислав Варґа, а шпив будзе предводзиц церковна шпивацка ґрупа зоз Сримскей Митровици.
На кирбайскей Служби будзе и шветочносц Першей св. Причасци, до хторей приступя штверо дзеци – Ивана и Валентина Нярадийово, Михайло Каган и Борис Алексич, цо першираз таке число дзецох у беоґрадскей парохиї.
По Служби КУД „Калїна” з Индїї виведзе пригодну културно-уметнїцку програму.