БЕОҐРАД – Вирни позберани у грекокатолїцкей парохиї св. Кирила и Методия у Беоґрадзе пасху преславели на Вельку соботу, на 18 годзин, кеди парох беоґрадски о. Владислав Варґа служел Воскресну утриню и Службу Божу.
По Слжби пошвецени и 24 кошарки з пасхалним єдзеньом, а на богослуженю були присутни 45 особи. О. Варґа у казанї пречитал и преглїбел Вельконоцну винчованку нашого владики Георгия.
За Пасху ше беоґрадски парохиянє придружели до Каритасовей акциї збераня пенєжней помоци за дзеци котри церпя пре войну у України, та за тоту намену даровали 11 870 динари.