У Войводини епидемиолоґийна ситуация позарядова

автор я. дюранїн, фото pixabay
485 Опатрене

НОВИ САД – Институт за явне здравє Войводини вчера сообщел же у тей хвильки епидемиолоґийна ситуация позарядова у 39 општинох, док у 9 городох и општинох ситуация нєвигодна.

Число новореґистрованих случайох ше нєпреривно звекшує, та воно тераз виноши 535 за вчерайши дзень. Найвецей реґистровани случаї, як и потераз, єст у Новим Саду – 169.

Вкупне число активних случайох у покраїни виноши 8.423, а у главним городу Войводини єст 2.614 активни случаї зарази зоз коронавирусом.

У других општинох єст менєй як 1.000 реґистровани случаї коронавирусу, алє ше вшадзи реґиструє рост.

Институт апелує же би ше предлужело зоз преглашенима мирами пре зменшованє числа охорених од коронавируса, як и пре лєгчейше функционованє здравственей системи.

Институт поволал гражданох же би ше вакциновали у наступним периоду.

ПОВЯЗАНИ ТЕКСТИ