НОВИ САД – Нєшкайша емисия „Добри вечар, Войводино” будзе пошвецена Крачуну, та патраче маю нагоду одпатриц знїмок зоз крачунскей Служби Божей з новосадскей конкатедралней церкви св. апостолох Петра и Павла, хтору на Перши дзень Крачуна предводзел владика кир Георгий Джуджар.
И друга часц емисиї будзе пошвецена тому швету, та будзе емитована репортажа зоз традицийних крачунских концертох у Коцуре и Дюрдьове.
У предлуженю програми будзе емитоване новорочне виданє емисиї „Пулс младих”.
По емисиї „Добри вечар, Войводино” на 21,30 г. будзе реприза нєдзельового ТВ Маґазину, док реприза нєшкайшей емисиї такой на ютре (пияток) вноци на 2 и дополадня на 9 годзин.