СЕРБИЯ/ЕВРОПА – Резултати випитованьох и анализох хтори окончени по цалей длужини рики Дунай указали на даскелї проблеми, як цо то нєдостаток риби, будовательни роботи на рикох, остатки дроґох, та присуство фекалийох.
Квалитет води нєвигодни за живот рибох. Ище вше постої биодиверзитет, алє зменшованє числа риби у Дунаю спричинюю гаци, електрарнї и випросцанє побрежйох, як и странски файти рибох, хтори загрожели домашнї. Пре вше векше число будовательних обєктох, з хторих даєдни за одбрану од вилївох, приходзи до конфликту з еколоґию рики, указали резултати виглєдованя.
У Дунаю пренайдзени фекални материї, а при Клостернойбурґу у Австриї и вельки количества наркотикох, найвецей кокаину и екстазию.