ДЮРДЬОВ – У ОШ „Йован Йованович Змай” у Дюрдьове на штварток, 2. априла будзе Медзиокружне змаганє з руского язика и язичней култури за школярох основних школох у хторих настава по руски порядна, як и дзе ше руски язик виучує як виборни предмет з елементами националней култури.
Отверанє Змаганя будзе на 9,30 г., ришованє тестох од 10 до 11,30, а преглашованє резултатох змаганя од 14,30 до 15 годзин.
На Змаганю участвує вєдно 71 школяр од пиятей по осму класу з 19 школох, односно 13 местох дзе ше на даяки способ виучує руски язик.
Медзиокружне змаганє з руского язика и язичней култури орґанизую Министерство просвити, науки и технолоґийного розвою, Дружтво за руски язик, литературу и културу и ОШ „Йован Йованович Змай” у Дюрдьове, як домашня школа.