РУСКИ КЕРЕСТУР – На ютре у Руским Керестуре, хтора ше ровна по григориянским календаре – Велька ноц, швето Христового воскресеня. Ранша Служба Божа будзе на 8 годзин, а на 10 Архиєрейска з пошвецаньом паскох, хтору будзе предводзиц наш апостолски еґзарх, владика Георгий Джуджар.
На пондзелок, на Други дзень Велькей Ноци богослуженя буду як внєдзелю – на 8, 10, 11,30 и на 19 годзин, а на 16 годзин Служба Божа будзе и у манастире Малих шестрох Исусових, на Циґлашоре. На пондзелок по каждей Служби будзе мированє, а хлапци, леґинє и хлопи тот дзень ходза по облїваню.
На Треци дзень Велькей ноци, на Шветли вовторок, Служби Божо буду як на швета, а
на тот дзень дзивчата, дзивки и жени ходза облїваню.