РУСКИ КЕРЕСТУР – Отец Иван Нагачевски, парох у грекокатолїцких парохийох у Норт Батлефорду и Саскатуну у Канади, хторим припадаю и виселєнци з наших местох, од 3. по 7. децембер пребува у Руским Керестуре.
Внєдзелю о. Нагачевски служел Службу Божу з домашнїм парохом о. Михайлом Малацком, вчера нащивел шедзиско Националного совиту Руснацох, дзе му домашнї бул предсидатель Вивершного одбору Совиту Желько Ковач, як и Основну и штредню школу з домом школярох „Петро Кузмяк”, дзе го привитала директорка Хелена Пашо Павлович зоз сотруднїками.
Вчера о. Иван Нагачевски нащивел керестурски теметов, дзе служел Панахиду за покойних родичох своїх парохиянох з Канади, а нєшка нащиви и Водицу.
О. Нагачевски до Керестура припутовал видзиц валал и його вирски живот, же би баржей упознал коренї своїх парохиянох котри походза з Керестура.