У Кули будзе схадзка Скупштини општини

автор д. барна
941 Опатрене

КУЛА– Нєшка, 30. септембра з початком на 10 годзин будзе отримана пията по шоре схадзка СО Кула, котру заказал предсидатель Скупштини општини Кула, Велибор Милойчич.

На дньовим шоре ше найду 12 точки, медзи иншим, будзе слово о вименкох и дополнєньох Одлуки о буджету општини Кула за 2022. рок, тиж и Предкладанє о витворйованю правох и услугох у обласци социялней защити, як и о дополнєню Одлуки о финансийней потримовки фамелийом зоз дзецми. Спред одборнїкох ше найдзе и Звит о водзеню роботи явних комуналних подприємствох чий снователь Општина Кула за 2021. рок, як и Предкладанє ришеня о даваню согласносци на Програму роботи зоз финансийним планом културних установох, а хтори основала Општина, за 2023. рок.

Преношенє зашеданя будзе емитоване директно на телевизийним каналу Ку телевизиї и на ютюб каналу Ку медиї.

ПОВЯЗАНИ ТЕКСТИ