У новим „Руским слове”

автор я. дюранїн
471 Опатрене

НОВИ САД – У тогорочним штерацец трецим числу новинох „Руске слово” на бокох „Тижньовнїка” мож пречитац о специялистичней програми за управянє зоз реґионалним розвойом през фонди ЕУ на хторей у Словениї присуствовали и представнїки рускей заєднїци, а у рубрики „Нашо места”, окрем актуалносцох, звекшого пише як означени Дзень ошлєбодзеня.

Яки ше єшеньски роботи одвиваю у хотаре шидскей општини, цо нащивителє „Дньох бундави” у Кули могли купиц и яку желєняву продукує Горнякова фамелия зоз Дюрдьова пише „Економия”.

„Култура и просвита”, медзи иншим, зазначела яки европски припознаня достала керестурска Школа за свою роботу, а у тей рубрики наявена и 26. Културна манифестация „Костельникова єшень”, док „Духовни живот” пише о тим як злєпшац виру и буц одпорнєйши на прициски.

На бокох рубрики „Людзе, роки, живот” пише о друженю старих особох у керестурским Каритасу, а ту и нове предлуженє фельтону „Привредни живот Руснацох” автора Мирона Жироша.

На бокох спортскей рубрики зазначени резултати у першенствених лиґох наших рукометних и фодбалских клубох, а представени и резултати каратистки Сари Планчак з Руского Керестура. Ту и звит зоз „Чукияди” и огляднуце на першенствену сезону Шаховского клуба „Омладинєц” зоз Коцура.

Додаток у тим чишлє „Литературне слово”, а на концу новинох рубрика з рецептами „Горуци тепши”.

ПОВЯЗАНИ ТЕКСТИ