НОВИ САД – У 30. числу новинох „Руске слово” рубрика „Тижньовнїк” приноши звит зоз заєднїцкей схадзки Националного совиту Руснацох и Словацох, а о додзельованю средствох зоз буджету Општини Кула Добродзечному огньогасному дружтву Руски Керестур, вашаре у Шидзе и висткох зоз Вербасу пише у рубрики „Нашо места”.
„Економия” у розгварки зоз польопривреднїком зоз Коцура Владимиром Буїлом пише о тогорочней жатви, а ту и напис о сепарациї гною у Ґосподїнцох.
„Култура и просвита” представя етно хижу Леони Виславсковей у Дюрдьове, а ту и розгварка зоз школярку ґенерациї у Ґимназиї Петро Кузмяк Анастазию Козар.
На бокох „Духовного живота” пише як прешло Стретнуце за фамелиї у Водици и пошвецаню иконох у нововербаскей парохиї, а на бокох рубрики „Людзе, роки, живот” представена Єлена Ачански з Руского Керестура и Амалия Пушкаш зоз Коцура.
„Спорт” пише о керестурских столнотенисерох и каратистох, понука напис о судьби здруженя Спортских бавискох Яша Баков и пририхтує нас за наиходзацу Олимпияду.
На остатнїх бокох у новинох находзи ше рубрика з рецептами „Хладок и горуци тепши”, а як додаток вишла „Дом и фамелия”.