НОВИ САД – Найновше число нових „Руске слово” того тижня видзе як двочисло 18-19 и у векшим обсягу, на 44-ох бокох.
У рубрики „Тижньовнїк” дата оцена о гласаню по наших местох на нєдавно отриманих виберанкох, а рубрика „Нашо места”, медзи иншим, пише и о означованю 9. мая, Дня ошлєбодзеня од фашизму у Руским Керестуре, Вербаше и Шидзе.
У „Руским слове” зазначени и вельки успих школярох рускокерестурскей ОШ „Петро Кузмяк” на Окружним змаганю „Цо знаш о транспорту”, понеже аж тройо школяре тей школи буду представяц Заходнобачки округ на Републичниим змаганю.
Прейґ искуства ветеринарох, „Економия” пише о зменшованю фонду статку у Руским Керестуре, зоз заключеньом же и то єден з указательох вимераня валалох, а „Духовни живот” понука два цалосци – тексти о преслави Велькей ноци по наших местох и Кирбаю у Руским Керестуре.
У сериї написох „З другого боку творчосци” у рубрики „Людзе, роки, живот” у тим чишлє представена писателька Мелания Римар, а на спортских бокох новинох звити зоз змаганьох спортистох з наших местох.