У Новим Садзе можлїве явно-приватне партнерство

автор 021/ртв/зам
991 Опатрене

НОВИ САД – Вчера почала схадзка Скупштини Городу Нови Сад, на хторей на дньовим шоре аж 52 точки, а єдна з найзначнєйших Предлог одлуки о явно-приватним партнерстве у руководзеню з Явно-комуналним подприємством за отримованє квартельних и дїловних просторох „Стан” („Квартель”). Як гварел городоначалнїк Милош Вучевич, кед же одлука будзе прилапена, Город розпише явну поволанку за глєданє приватного партнера хтори би превжал управянє зоз спомнутим ЯКП.

Предложене же би приватни партнер мал 70 одсто, а по 15 одсто власнїцтва би мали Город Нови Сад и ЯКП „Стан”. Ґу тому, приватнїк би мал обовязку уложиц 3,1 милиярду динари и виплациц длуства, хтори концом прешлого мешаца виношели прейґ 800 милиони динари, як и виробиц социялну програму за прейґ 100 роботнїкох „Стану” котри звишок – пише портал 021.

На схадзки Скупштини Городу потолковане же би ше з тим поцагом ришело нагромадзени проблеми у тим подприємстве, Город би вецей нє мушел з буджету видвойовац пенєж за утрати подприємства, а городоначалнїк Вучевич гварел же уж бешедоване з потенциялнима заинтересованима приватнима фирмами.

Опозиция у городскей скупштини нє процив явно-приватного партнерства, алє є процив предложеного ришеня. Думаня є же понукнути условия нє вигодни за Город, бо би зоз 70 одсто власносци приватнїк здобул абсолутну контролу. Ґу тому, пригваря же би прейґ „Стану” приватнїк достал наплацованє за коминяра, отримовац явне ошвиценє и други роботи хтори тераз окончує тото ЯКП.

На схадзки Скупштини Городу Нови Сад вчера принєшена одлука о зменшаню цени зогриваня и цеплей води за коло 3 одсто, а одборнїки дали согласносц на коло 30 одлуки з хторима оможлївене утаргованє явних подприємствох „Завод за вибудов” и „Дїловни простор”. Вязано за їх гашенє принєшени и ребаланс городского буджету.

ПОВЯЗАНИ ТЕКСТИ