НОВИ САД – У рамикох тарґовинского центру БИҐ, пияток, 15. юлия, отворени Новосадски мултиплекс Синестар биоскоп, найамбициознєйши проєкт компаниї „Blitz CineStar“ („Блиц Синестар“).
Як преноша нашо медиї, биоскоп ма 10 сали и коло 1 400 места за шедзенє, а ґу тому є и перши у Сербиї хтори ма 4Dx салу зоз специялнима шедовисками хтори ше рушаю вєдно з филмскима сликами на платну. Ґу тому, ма сензори за интензивни пахи, запори, молгу, шветлосни ефекти итд. Биоскоп ма и ултимативни RealD 3D сали и eXtreme салу.
На шветочним отвераню бешедовали директор компаниї „Blitz CineStar“ за Сербию Зоран Савич и директор компаниї „BIG Cee“ Роберт Яхав. На отвераню присуствовал и городоначалнїк Нового Саду Милош Вучевич.
Интересованє за проєкциї на дзень отвераня було барз вельке, та предати вецей як 2 000 уходнїци, а за проєкциї у 4Dx сали су предати за годзину.
