НОВИ САД – Штварти регионални Саям младежского туризму ”OPENS Youth Fair 2015”, будзе отримани нєшка и ютре, 7. и 8. юлия, на Площи шлєбоди и у Католїцкей порти у Новим Садзе.
На Сайме буду представени найатрактивнєйши туристични дестинациї на Балканє, як и фестивали, клуби, центри за екстремни спорти и други атракциї у реґионє.
Отверанє Сайму будзе у Швяточней сали Городскей хижи, а у Католїцкей порти будзе ”Арт еко” маркет и наступи музичних бендох, артистох, танєчних и других ґрупох.
На площи шлєбоди нєшка на 21 годзин, на отвореней бини опрез Городскей хижи, Симфонийски оркестер СНТ виведзе музичне дїло ”Кармина Бурана”, а на ютре будзе концерт ґрупи С.А.Р.С.